HEIA BRASIL: Vi fiskarar har all grunn til å heie på brasilianarane, både landslaget og den jamne mann og kvinne. Dei er storforbrukarar av klippfisk.Arkivfoto: Brian Cliff Olguin
HEIA BRASIL: Vi fiskarar har all grunn til å heie på brasilianarane, både landslaget og den jamne mann og kvinne. Dei er storforbrukarar av klippfisk.Arkivfoto: Brian Cliff Olguin

Klippfisk og brassespark

I desse dagar spelast fotball-VM i Russland. Få, eller ingen idrettsarrangement trumfar dette med omsyn til spaning, interesse, blodbrusande engasjement og vonaleg flotte prestasjonar.

Leserinnlegg
Skrevet av9. juli 2018 21:00

Eit langskot i krysset frå 30 meter er ein estetisk nytelse, likeeins ein dribleserie over halve bana med påfylgjande scoring. Jamfør Diego Maradona i kvartfinalen mot England i VM i 1986. Hans «Guds hand»-scoring i same kampen var rett nok ikkje fullt så estetisk.

Pave Johannes Paul 2 uttalte i si tid: «Av alle uviktige ting på jorden er fotball det viktigste». Det hadde han utvilsamt rett i, men dessverre er det slik at dei laga som spelte den vakraste og mest sjåverdige fotballen sjeldan vinn heile greia. Eg hugsar med vemod og tristesse attende til VM i Spania i 1982: Brasil, med Socrates, Zico, Eder og Falcao trollbandt ei heil verd med blendande artisteri og fotballkunst, men måtte strekkje våpen mot kyniske og hardtspelande italienarar. 

Klippfisken har gitt brød og smør til utallige personar lenge før den første fileten vart skoren for hand, og gjer det framleis

Mor mi, som brydde seg blanke døyten om fotball sat med auga på stilkar og heia vilt på Brasil, og var gråten nær då dei tapte 3-2 for Italia i mellomrunden.

Det er ikkje berre for fotballkunsten deira at Ola og Kari har varme følelsar for brasilianarane. Vi fiskarar har all grunn til å heie på dei, både landslaget og den jamne mann og kvinne. Dei er storforbrukarar av eit urnorsk, vidareforedla fiskeprodukt: Klippfisk!

Av ein eller annan merkeleg grunn er vidareforedling av fisk i Norge nærmast blitt synonymt med filetproduksjon. Utallige kroner har opp gjennom tida blitt pløgd inn i filetbedrifter, med vyer om ein masse hender i arbeid og god lønsemd. Svært ofte - eller oftast - har det enda med raude tal, lange permitteringar, ei og anna kapitalinnsprøyting, og til sjuande og sist avvikling og nedleggjing. Med heiderlege unnatak, heldigvis. Filetproduksjon av småsei, og dei evig utskjelte fabrikktrålarane har vist seg levedyktige over tid. I mellomtida blir det hylt og gaula om frossenfisk som blir sendt til Kina, og norske bedrifter som blir ståande utan råstoff. Ein har tydelegvis gløymt, eller behageleg ignorert at vi - hovudsakeleg på nordvestlandet - har store, lønsame bedrifter som året rundt kjøper store mengder frosenfisk som blir vidareforedla til eit produkt som omverda gladeleg betaler for. 

Klippfisken har gitt brød og smør til utallige personar lenge før den første fileten vart skoren for hand, og gjer det framleis. I same slengen kan vi ta med vår eldste eksportartikkel; tørrfisk. Her syter dyktige aktørar og ein vonaleg samarbeidsvillig Vårherre for at sjølve naturen og klimaet tek seg av vidareforedlinga på aller beste vis. Sjeldan ser vi eit betre døme på bruk av naturgjevne fortinn.

Det er direkte vakkert å sjå hjellar fulle av verdas beste råstoff, og heile berg av ferdig produsert klippfisk hos ei bedrift som har drive godt og lønsamt over lange tider. Like vakkert som eit elegant Socrates-hælspark, ein dribleserie av Zico og ein atomrakett av eit langskot frå Eder. I dag må vi setje vår lit til Neymar, Coutinho, Thiago Silva og Marcelo, men vona er at dei etter å ha lyfta FIFA-trofeet som sigerherrar feirar med ei svær gryte bacalao, der hovudingrediensen er den flottaste klippfisk som norske fiskarar, produsentar og eksportørar kan by dei.

Heia Brasil!!!

( VILKÅR )

Kommentarer

Kommentarfeltene er midlertidig stengt. Dette skyldes at dagens ordning er i strid med Fiskeribladets GDPR-regler.
Om GDPR

Vennlig hilsen
Øystein Hage, redaktør.

Digitalisering øker kvaliteten på forsøk

Kommentar
19. september 2020 10:33

Kjære delegat, pust med magen

Leserinnlegg
18. september 2020 08:36

Det marine økosystemet i nord er i endring

Kommentar
17. september 2020 19:22
FASTE SKRIBENTER
SKRIBENTER
 
Få nyheter rett inn i innboksenI tillegg får du: Ledige stillinger, rubrikkannonser og daglige vitser.
Fiskeribladet
Sandbrogaten 5 - 7
5003 Bergen
Org nr 911 650 924
Sentralbord
55 21 33 00
Fiskeribladet arbeider etter Vær Varsom-plakatens regler for god presseskikk.