Sjømat Norge vil ikkje nekte landingar

Marked
Redaksjonen

14. september 2017 09:57

zoomBilde
VIL IKKJE NEKTE: Kyrre Dale er fagsjef pelagisk i Sjømat Norge. 

Eit forbod mot landingar av makrell frå Island og Grønland vil berre ramme norsk fiskeindustri, skriv Sjømat Norge i ei pressemelding

Reiarorganisasjonen Fiskebåt har bedt norske styresmakter vere restriktive med å la den islandske- og grønlandske flåten levere makrell til norske mottak. Dei viser til at Island og Grønland står utanfor kyststatavtala på makrell. 

- Fiskebåt meiner at den islandske og grønlandske fiskeflåten ikkje skal få levere sine makrellfangstar til Norge, så lenge dei krev ein urettmessig stor del av makrellkvota, og vel å stå utafor ein kyststatsavtale, skriv Fiskebåt-direktør Audun Maråk i eit brev til Nærings- og fiskeridepartementet. 

Sjømatnorge meiner dette vil byggje ned norske mottak. 

- Vi er einige om at makrellfisket som Island og Grønland driv, snarast må over i ein regulert avtale. Men vi bør ikkje sette inn eit einsidig tiltak frå norsk side som ikkje har verknad. Landingsnekt er eit svært dårleg forslag for industrien i Noreg. Ingen let fisken vere att i havet, sjølv med eit slikt forbod. Makrellen vil bli tatt opp og finne vegen til marknaden likevel, seier fagsjef industri i Sjømat Norge, Kyrre Dale, i pressemeldinga. 

Han viser og til dårlege erfaringar frå liknande forbod.

- Då Noreg stogga Færøyingane for nokre år sidan på same måten, bygde dei opp ein ny og effektiv industri der borte. Det har gjort sitt til at vi i Noreg har mista råstoff. Den fisken vert seld i konkurranse med norskprodusert fisk. Vi blir med andre ord skadelidande.

DEL SAKEN
Annonse
 
Få nyheter rett inn i innboksen
Fiskeribladet
Sandbrogaten 5 - 7
5003 Bergen
Sentralbord
55 21 33 00