Fiskebåtreiar vil revolusjonere trålarane

Nordic wildfish lanserar i dag et konsept som skal bidra til å sikre berekraftig utnytting av fiskeressursane. Det vert ei ny industristandard for trålarar.

Industri
1. november 2016 14:03Oppdatert:
1. november 2016 14:48

Nordic wildfish er klare til å kontrahere, men legger også opp til at andre skal kunne ta i bruk konseptet, skriv dei i ei pressemelding.

- Utvikling og verifisering av EcoFive er eit bidrag til at norsk forsking, og maritim- og marin næring opprettheld sin verdsleiande posisjon, seier dagleg leiar Tore Roaldsnes i Nordic wildfish.

Ny industristandard
Nordic wildfish ser gjerne at andre reiarlag og verfts- og utstyrsindustrien gjer seg nytte av forskingsresultata og teknologien for tilsvarande nybygg.

- Med EcoFive tilbyr vi ein ny industristandard for trålarar, seier Roaldsnes.

Trålardesignet under EcoFive-konseptet oppnår 30 prosent lågare energiforbruk ved at skrog og propellsystem er optimalisert for tråling i låg fart (tauekondisjon), at ein kan ta i bruk flytande naturgass (LNG - Liquid Natural Gas) som drivstoff i staden for diesel, og 30 til 40 prosent lågare energikostnad.

I tillegg til energieffektivitet, driftssikkerhet og miljø, handlar EcoFive også om å sørge for minimal kvalitetssvekking av råstoff, 100 prosent ressursutnytting og differensierte kvalitetsprodukt.

Berekraftig matproduksjon
- Sett ifrå eit samfunnsøkonomisk perspektiv vil skalering av prosjekterfaringane bidra til å møte samfunnsutfordringar som global under- og feilernæring, berekraftig matproduksjon, og utslepp av klimagassar, seier dagleg leiar Tore Roaldsnes i Nordic wildfish.

I går ga han innspel til regjeringa sin havstregi, og i dag møter han kollegaer under Verftskonferansen i Ålesund.

Bodskapen til begge forsamlingane er at Nordic wildfish har svaret på korleis ein kan sikre berekraftig utnytting av verdens fiskeressursar.

- Med EcoFive har vi allereie svart på hovudpunkta i rapporten til Maritim 21 som næringsminister Monica Mæland fikk overlevert tidlegare i dag under Verftskonferansen. Det vil løne seg - for verksemdene, for Noreg, og for verda - med meir satsing på forsking og nyutvikling, seier Roaldsnes.

Verdsleiande miljøteknologi
Med føresetnad om finansiering er det planlagt å kontrahere ei rekke nye båtar, med mål om fullskala operasjon og verifisering av det første demonstrasjonsanlegget i løpet av 2018. 

Nordic wilfish tek sikte på å realisere denne fartøyrekka som eit industrielt samarbeid med ei verftsgruppering. 

- Vi har lukkast med å utvikle verdsleiande miljøteknologi. Med EcoFive kan trålarflåten hente meir ut av dei berekraftige marine ressursane, produsere høgverdige produkt i fangstleddet, og oppnå betydelege reduksjonar i forbruk av drivstoff, og tilsvarande reduksjon av miljøskadelege utslepp per kilo fisk fanga.

- Vi har satt oss som mål å utnytte 100 prosent av ressursane vi rår om. Å utvikle eit miljøvennleg og energieffektivt trålardesign er eitt av fleire nødvendig steg på vegen, avsluttar han.

( VILKÅR )

Kommentarer

Har du en mening om denne saken? Delta gjerne i debatten her i Fiskeribladet. Vi setter pris på sterke meninger, og i våre kommentarfelt skal det være høyt under taket. Vi tolererer ikke trakassering, trusler eller hatefulle meninger. Vis også respekt for andre debattanter. Vær saklig og husk at mange kan se hva du skriver. Tenk derfor nøye gjennom hvordan du ønsker å fremstå.
Vennlig hilsen Øystein Hage, redaktør.

Henter kommentarer Henter kommentarfelt...
 
Få nyheter rett inn i innboksenI tillegg får du: Ledige stillinger, rubrikkannonser og daglige vitser.
Fiskeribladet
Sandbrogaten 5 - 7
5003 Bergen
Org nr 911 650 924
Sentralbord
55 21 33 00
Vi benytter cookies X Lukk infoFiskeribladet AS bruker teknologi som informasjonskapsler (cookies) og annen sporingsteknologi for å analysere trender, administrere våre tjenester, spore brukeradferd og til å samle informasjon om hele vår brukerbase. Uregistrerte brukere kan skru av slik sporing i browser innstillingene på enheten de bruker ved å skru på «ingen sporing». Les hele vår cookie policy...